?

Log in

No account? Create an account
book_by.Для тех кто читает [entries|archive|friends|userinfo]
book_by.Для тех кто читает

[ userinfo | livejournal userinfo ]
[ archive | journal archive ]

Выйшаў “Верасень” № 17 | Камунікат.org [Dec. 20th, 2017|09:58 am]
book_by.Для тех кто читает

kamunikat
Выйшаў з друку чарговы, cямнаццаты па ліку,  нумар літаратурна-мастацкага часопіса “Верасень”. Паэзія ў часопісе прадстаўлена вершамі Лізаветы Дзеручэнка, Насці Падрабінкінай, Алены Быкавай,  Крысціны Башарымавай, Кацярыны Массэ,  Крысціны Баранавай, Надзеі Філон, Таццяны Крэнь, Людмілы Шчэрбы, Святланы Куль, Тамары Аўсяннікавай, Васіля Зуёнка.
Раздзел “Проза” складаюць апавяданні Сяргея Белаяра, Валянціны Пісарчык, Анатоля Бароўскага.У раздзеле “Пераклады” друкуюцца вершы Сібілы Алерама, перакладзеныя з італьянскай мовы Аксанай Данільчык.
Раздзел “Крытыка” адкрывае "вясёлкавае" эсэ Васіля Дранько-Майсюка, прысвечанае Марку Шагалу. Аб сваім "шляху да Беларусі" распавядае ў гутарцы з Эдуардам Акуліным старшыня культурніцкага ф... Болей...
linkpost comment

Гарэцкі Радзім, Браты Гарэцкія | Камунікат.org [Dec. 7th, 2017|06:32 am]
book_by.Для тех кто читает

kamunikat
Браты Гарэцкія
Гарэцкі Радзім

Кніга прысьвечаная слыннаму роду Гарэцкіх, што падараваў Беларусі не адно імя адданых і шчырых змагароў за Беларусь. Міксім і Гаўрыла Гарэцкія – гэта тыя людзі, якія ня гледзячы на нялюдзкасьць камуністычнага рэжыму спрабавалі прабіць шлях да сапраўднай Беларусі. Максім Гарэцкі – клясык беларускае літаратуры, якога можна паставіць у адзін шэаг са славутымі і знакавымі імёнамі першае паловы ХХ стагодзьдзя: Янкам Купалам, Якубам Коласам, Кузьмом Чорным і інш. Імя пісьменьніка жыццё якога даўчасна абарвала рэпрэсыўная сталінская сыстэма доўгі час было пад забаронаю. Ягоны брат Гаўрыла – акадэмік і вучоны, таксама быў высланы з роднае Беларусі і спазнаў цягаты выгнаньня. Кніга Радзіма Гарэцкага – даніна памяці братам Гарэцкім, дзядзьку Максіму і бацьку Гаўрылу, што пабачыла сьвет у сэрыі: “Бібліятэка “Бацькаўшчына”. На старонках выданьня праз лёс аднае сям’і прасочваецца лёс шматпакутнае Беларусі. (З.К.) Болей...

linkpost comment

Трэнас Віка, Экзістэнцыйны пейзаж | Камунікат.org [Dec. 7th, 2017|06:31 am]
book_by.Для тех кто читает

kamunikat
Экзістэнцыйны пейзаж
вершы
Трэнас Віка

У другую кнігу прадстаўніцы новай хвалі сучаснай беларускай паэзіі Вікі Трэнас увайшлі вершы апошніх гадоў, ужо вядомыя аматарам прыгожага пісьменства па публікацыях у айчыннай перыёдыцы. У эксперыментальных творах аўтаркі адмысловым чынам перапляліся глыбокая філасафічнасць і юначы максімалізм, самасць і адкрытасць усяму свету, рацыяналізм і надзвычайная эмацыйнасць. Кніга «Экзістэнцыйны пейзаж», несумненна, будзе цікавая шырокай чытацкай аўдыторыі. Болей...

linkpost comment

Разанаў Алесь, З Вяліміра Хлебнікава | Камунікат.org [Dec. 5th, 2017|11:20 am]
book_by.Для тех кто читает

kamunikat
З Вяліміра Хлебнікава
Разанаў Алесь

Кніга — білінгва: у ёй змешчаны вершы Вяліміра Хлебнікава ў мове арыгіналу і «з», здзейсненыя Алесем Разанавым у беларускай мове. Болей...

linkpost comment

Крывальцэвіч Мікола, Археалягічныя адкрыцьці сьвету | Камунікат.org [Dec. 5th, 2017|11:10 am]
book_by.Для тех кто читает

kamunikat
Археалягічныя адкрыцьці сьвету
Крывальцэвіч Мікола

У гэтую кніжку ўключаныя найбольш яркія археалягічныя адкрыцьці 1970-1990-х гадоў. Пра большасьць зь іх нашыя суайчыньнікі маглі бадай толькі чуць з кароткіх паведамленьняў сусьветных інфармацыйных службаў. Толькі найбольш дасьведчаныя ды цікаўныя, а таксама зарыентаваныя на пошук спэцыяльнай замежнай, пераважна англамоўнай літаратуры, здолелі своечасова даведацца пра некаторыя незвычайныя адкрыцьці археолягаў зь іншых краінаў. Запаўняючы прабел у набыцьці такога кшталту навуковай інфармацыі, беларускаму чытачу ўпершыню прапануецца кніга нарысаў, кожны зь якіх прысьвечны таму ці іншаму археалягічнаму адкрыцьцю ды праблемам, якія вынікалі ці вынікаюць у сувязі з асэнсаваньнем згаданай сьвежай навуковай інфармацыі. Болей...

linkpost comment

Андрасюк Міхась, Белы конь | Камунікат.org [Dec. 2nd, 2017|02:04 pm]
book_by.Для тех кто читает

kamunikat
Белы конь
Аповесць
Андрасюк Міхась

У чарговы раз, ужо спакойна і не спяшаючыся, перачытваю андрасюковага “Белага каня”. Не падобны гэты “конь” ні да папярэдняй “фірмы”, а ні тым больш да “гравітацыі”. На тытульнай старонцы надпіс – “аповесць”, які сам Міхась спачатку аправяргаў. Дарэмна, гэта сапраўды аповесць, а нават сага аднае сям’і, аднаго рода. Цікавая, часам сумная, часам смешная. Момантамі прымітыўна абмежаваная, а ў цэласці глыбока жыццёвая. Гаворачы пра прымітывізм, маю на ўвазе не майстэрства пісьменніка, толькі думкі, пачуцці герояў аповесці. Чаму “сага”? Бо пачынаецца ад першых, ад раданачальнікаў (у іх асабістай інтэрпрэтацыі) і заканчваецца апошнімі, якія не далі парасткаў. І не важна, што паміж “першымі” і “апошнімі” толькі адно “калена”, важна, што ад пачатку да канца. Калі пачынаеш чытаць аповесць - “уцягвае”, што сведчыць аб мастацкасці. Андрасюк “расце”. Піша пра жыццё так рэалістычна, што маю адчуванне як бы мне хто палец між рэбры ўпіхаў. Чытаю, і быццам, абапёршыся на плот, назіраю з тым, што адбываецца на суседскім панадворку. Балюча, горка, а дапамагчы, змяніць - не ў змозе... Што ж такога ў творчасці Міхася, што і “пальцам між рэбры” і “блюча, горка”? Магчыма, здольнасць зазірнуць углыб, у самы таямнічы і прыхаваны ад самога сябе закамарак душы, убачыць і паказаць свет вачамі героя і пачуць тое, што чуе ён, што чуем мы, што баліць, і чаго змяніць – не ў змозе. (Н.Г.) Болей...

linkpost comment

Караткевіч Уладзімір, Каласы пад сярпом тваім | Камунікат.org [Nov. 26th, 2017|09:08 am]
book_by.Для тех кто читает

kamunikat
Каласы пад сярпом тваім
Раман
Караткевіч Уладзімір

«Груша цьвіла апошні год». Гэты незабыўны сказ уводзіць нас у незабыўны сьвет раману ў двух кнігах Уладзімера Караткевіча «Каласы пад сярпом тваім». Раман прысьвечаны падзеям напярэдадні паўстаньня 1863-1864 гадоў у Беларусі. А першая кніга распавядае нам пра «выйсце крыніц» якія выліліся ў раку гневу і змаганьня за незалежнасьць Беларусі. Нягледзячы на літаратурнасьць раману, чытаючы адчуваецца натуральнасьць падзеяў. Кожны бачыць перад сабой хлапчука Алеся Загорскага, ды яго вясковых і шляхецкіх сяброў. Кожны бачыць, як памірае стары сьветапогляд яшчэ з часоў перад падзеламі Рэчы Паспалітай, і нараджаецца новае пакаленьне якому суджана пакласьці галаву для будучыні Беларусі. «Грушы накнавана абрынуцца ў Дняпро», але і «крыніцы нязьменна спалучацца ў імклівую раку». Уладзімер Караткевіч доўга падыходзіў да раману «Каласы пад сярпом тваім», і цалкам верагодна, што меў задуму на працяг, але нягледзяячы ні на што менавіта «Каласы пад сярпом тваім» сталі сапраўднай вяршыняй творчасьці беларускага пісьменьніка і паэта, які заўчасна пакінуў гэты сьвет кааб назаўсёды злучыцца з роднай беларускай зямлёй. (З.К.) Болей...

linkpost comment

Баршчэўскі Аляксандар, Беларуская эміграцыйная пісьмовасьць | Камунікат.org [Nov. 2nd, 2017|08:34 am]
book_by.Для тех кто читает

kamunikat
Беларуская эміграцыйная пісьмовасьць
частка 1
Баршчэўскі Аляксандар

У Санкт-Пецярбурзе, У Францыі, Нямеччыне, Празе, і ў Каўнасе, менавіта ў гэтых згаданых краінах і гарадах доўгі час існуюць своеасаблівыя і адметныя беларускія эміграцыйныя асяродкі. Уяўляючы сабой адрозную культуру, у асяроддзі іншай культуры, беларусы не губляюцца за мяжой і не асімілююцца. У стасунках з іншымі культурамі яны ствараюць новую субкультуру, аказваючы уплыў і на дамінуючую ў краіне свайго месцазнаходжання. Важнейшую ролю ў гэтым адыгрывае, безумоўна, літаратура. Даследаванне Аляксандра Баршчэўскага дакладна і паслядоўна разглядае найбуйнейшыя эміграцыйныя асяродкі беларусаў, а таксама іх выдавецкую дзейнасць. Падсумоўваючы, аўтар адзначае, што прыведзеныя ў манаграфіі факты сьведчаць аб тым, што беларускія эмігранты праявілі максімум добрае волі, ахвярнасьці й патрыятызму дзеля ратаваньня на чужым грунце пачуцьця нацыянальнае тоеснасьці, годнасьці й гордасьці суайчыньнікаў, якія ў выніку гістарычных прысудаў апынуліся па-за межамі сваёй Радзімы, а таксама тых беларусаў, якія засталіся на роднай зямлі й былі паддадзены жорсткай русыфікацыі. (Н.Г.) Болей...

linkpost comment

Кустава Валерыя, Тамсама | Камунікат.org [Oct. 9th, 2017|12:43 pm]
book_by.Для тех кто читает

kamunikat
Тамсама
вершы
Кустава Валерыя

Стыхія паэзіі Валерыі Куставай забірае ў сябе імгненна, бліскавічна, віхурна. Наталяюць прагу маланкі, ажыўляе залева, a ўнутры разгараецца дзівосная бязмежная асалода жыцця, знітаваная з жаданым болем, немагчымая без яго. Знікае час — i найвышэйшую каштоўнасць набывае кожнае імгненне, якое імкнецца зрабіцца вартым вечнага вяртання. Ратаванне — у містычнай повязі, у паэзіі, што стварае i перастварае сусветы. Судачыненні — каханне i адчай, творца i Айчына, паэт i паэзія — ёсць тым самым вірам рэчаіснасці, дзе спрадвечныя словы набываюць новы сэнс, дзе наноў вынаходзяцца пачуцці. Болей...

linkpost comment

Ліс Дар'я, Вясновы Jazz | Камунікат.org [Oct. 6th, 2017|12:20 am]
book_by.Для тех кто читает

kamunikat
Вясновы Jazz
Ліс Дар'я

Мая першая сустрэча з Дар’яй Ліс адбылася ў 2009 на літаратурным семінары “Бязмежжа” на Падляшшы. Голас чула раней, у радыёперадачах, чысты, па-дзіцячаму цёплы, смяшлівы. Траплялі ў поле зроку і яе вершы, таксама чыстыя, светлыя, вельмі аптымістычныя і нейкія такія натхнёныя, не ўмею нават акрэсліць чым і як. Чытаючы яе версэты, слухаючы фельетоны заўсёды усплываў мне перад вачыма вобраз Ніны Мацяш. Не разумела, чаму такія асацыяцыі, мо таму, што такая самая уражлівасць прасочвалася ва ўсім, што стварае Дар’я, мо такая ж цеплыня і дабрыня выпраменьваліся ад яе твораў? Гэтую ўражлівасць і маю падсвядомую асацыятыўнасць зразумела, сустрэўшыся з Дар’яй. Такая ж поза, такі ж сродак транспарту, такі ж лёс і такая ж нязломная упэўненасць у вачах. Хвароба прыкавала да інвалідзкага вазка, але не забрала ахвоты жыць, ствараць, насаджаць дабро.Вясновы Jazz - пад адной вокладкай сабраны вершы і апавяданні Дар’і. Чытаючы іх раскрываеш душу дзяўчыны, яе мары, яе жыццёвыя планы, яе непакой за лёсы краіны. І так, як у Ніны – няма асуджэння, толькі спроба зразумець. (Н.Г.) Болей...

linkpost comment

navigation
[ viewing | most recent entries ]
[ go | earlier ]