?

Log in

book_by.Для тех кто читает [entries|archive|friends|userinfo]
book_by.Для тех кто читает

[ userinfo | livejournal userinfo ]
[ archive | journal archive ]

Пазьняк Зянон, Пазьняк Зянон, Незалежнасьць Беларусі. 20 гадоў | Камунікат.org [Apr. 24th, 2017|09:27 am]
book_by.Для тех кто читает

kamunikat
Пазьняк Зянон, Незалежнасьць Беларусі. 20 гадоў
Адбітак з кнігі: Зянон Пазьняк. Сэсія незалежнасьці
Пазьняк Зянон

Галоўны зьмест Беларускага Народнага Фронту (дзеля чаго ён і быў створаны) – гэта ліквідаваць камунізм, здабыць незалежнасьць Беларусі і адчыніць дарогу да дэмакратыі. Але напачатку, пакуль Фронт не ўвайшоў яшчэ ў сілу, а камунізм быў моцны, пра гэта казалася асьцярожна. У жніўні 1989 года на Сойме Фронту, які праходзіў у Чырвоным касьцёле ў Менску, было адкрыта сцьверджана, што наша галоўная задача – суверэнітэт і незалежнасьць Беларусі. (фрагмэнт) Болей...

linkpost comment

Масла Алена, Вандроўка з божымі кароўкамі | Камунікат.org [Apr. 14th, 2017|10:20 am]
book_by.Для тех кто читает

kamunikat
Вандроўка з божымі кароўкамі
казачная аповесць
Масла Алена

Разам з божымі кароўкамі Ірыскай і Хлебным Мякішам хлопчык Данік выпраўляецца ў незвычайную вандроўку. Сустрэча з грозным чараўніком, знаёмства з прынцэсай Чысцюляй і жыхарамі Краіны Паветраных Замкаў, подзвігі, вартыя сапраўднага рыцара, чакаюць хлопчыка наперадзе. Болей...

linkpost comment

Карпюк Аляксей, Развітанне з ілюзіямі | Камунікат.org [Apr. 14th, 2017|10:18 am]
book_by.Для тех кто читает

kamunikat
Развітанне з ілюзіямі
эсэ, апавяданні, дзённікі
Карпюк Аляксей

Разьвітаньне з ілюзіямі, кніга твораў Аляксея Карпюка у сэрыі Гарадзенская бібліятэка. Асаблівая каштоўнасьць выданьня ў тым, што тут друкуецца твор гарадзенскага пісьменьніка, які быў скончаныя яшчэ пры яго жыцьці, але так і не пабачыў сьвет.Нават пасьля сьмерці Аляксея Карпюка ў 1992 годзе, рукапісы яго твораў гэтак і не былі надрукаваныя ў дзяржаўным выдавецтве, куды іх пасьля сьмерці перадала ўдава пісьменьніка. Час быў ужо ня той, да ўлады і ў пашану вярталіся тыя, хто ўсё жыцьцё цкаваў і зьнішчаў маральна сумленнага змарага і чалавека.У 1995 годзе рукапісы “Разьвітаньня з ілюзіямі” было вернутае дзяржвыдавецтвам без тлумачэньня прычынаў. Аднак дзякуючы сэрыі Гарадзенская бібліятэка зборнік твораў Аляксея Карпюка пабачыў сьвет у 2008 годзе.Кіраўнік гарадзенскага абласнога аддзяленьня саюзу пісьменьнікаў Беларусі, Аляксей Карпюк, разам са сваім сябрам Васілём Быкавым працягвалі змаганьне за праўду без прыгожых дамалёвак і пафасных фразаў. Менавіта гэта і закідалі “здрадніку і антысаветчыку” Карпюку. Прыродная беларускасьць Карпюка спрычынілася да таго што ў часу Перабудовы, ён быў у шэрагу беларускіх адраджэнцаў, якія прагнулі годнай і незалежнай Беларусі. (З.К.) Болей...

linkpost comment

Барысевіч Юрась, Цела і тэкст | Камунікат.org [Apr. 13th, 2017|02:43 pm]
book_by.Для тех кто читает

kamunikat
Цела і тэкст
Барысевіч Юрась

Кніга знаёміць чытача з альтэрнатыўнай культурай Беларусі 1990-х гадоў (ТВЛ, Бум-Бам-Літ, мастацкі андэграўнд, экспэрымэнтальны балет) у кантэксьце агульнаэўрапейскіх культурных працэсаў ХХ стагодзьдзя. Літаратуру аўтар разглядае як працяг жывапісу і харэаграфіі, а ў малюнку і танцы шукае праявы вэрбальнага тэксту. Дасьледуюцца шляхі выжываньня мастацтва і літаратуры ў грамадзтве, якое ўжо не яднаюць кнігі і яшчэ не аб’яднаў Інтэрнэт. Болей...

linkpost comment

Токць Сяргей, Беларуская вёска ў эпоху зьменаў | Камунікат.org [Apr. 12th, 2017|07:29 am]
book_by.Для тех кто читает

kamunikat
Беларуская вёска ў эпоху зьменаў
Другая палова ХІХ — першая траціна ХХ ст.
Токць Сяргей

У манаграфіі разглядаюцца сацыяльна-культурныя працэсы, якія вызначалі, на думку аўтара, кірунак і характар зьменаў у жыцьці заходнебеларускай вёскі ў другой палове ХІХ – першай траціне ХХ ст. Аўтар стварае мадэль разьвіцьця капіталістычнай мадэрнізацыі традыцыйнага аграрнага грамадзтва на гэтым абшары. Да стрыжнёвых праблем гэтай манаграфіі належаць пытаньні пашырэньня беларускай самасьведамасьці сярод вясковага насельніцтва, нацыятворчая роля інтэлігенцыі сялянскага паходжаньня. У дадатку да манаграфіі зьмешчаныя мікрагістарычнае дасьледваньне Берштаў і фрагмэнты дзёньнікаў беларускага актывіста ТБШ Пётры Сеўрука. Кніга адрасуецца прафэсійным гісторыкам, краязнаўцам, выкладчыкам гістарычных дысцыплін, студэнтам. Болей...

linkpost comment

Вашко Лявон, Маленькі сшытак Лявона Вашка | Камунікат.org [Apr. 12th, 2017|07:26 am]
book_by.Для тех кто читает

kamunikat
Маленькі сшытак Лявона Вашка
Выпуск другі
Вашко Лявон

Раздзелы “Маленькага сшытка Лявона Вашка” – не зусім звычайныя беларускаму вуху. Маю на ўвазе назвы раздзелаў: тайналічбы – проза, мовадзея – драматургія, ДУМНІЦТВА - літаратурна-крытычныя артыкулы, ТВОРААДГУКІ – рацэнзіі, Твораспакметы, СПАВЕШЧАННЕ – прамова, ВЕЧНАПАМЯЦЬ – апасмертка, ДЗЕЯЧАС – кроніка, Імёнапаказнік / Творапаказнік – словатворы, якімі перапоўнены сам сшытак. Гэта дадае прывабнасьці ў чытанні чытачу з выпрацаваным літаратурным густам, чытачу з вышэйшай паліцы. Так-так. Пісьменнікі з вышэйшай паліцы маюць сваіх чытачоў, таксама прафесіяналаў, якія дылектуюцца словам, сказам, думкаю. Чытаць – гэта таксама мастацтва. Творчасць лявона Вашко – для чытачоў з добрым густам. (Н.Г.) Болей...

linkpost comment

Астравец Сяргей, Саргасава мора | Камунікат.org [Apr. 11th, 2017|02:57 pm]
book_by.Для тех кто читает

kamunikat
Саргасава мора
Апавяданні
Астравец Сяргей

У апавяданнях Сяргея Астраўца чалавек мусіць азірацца на часы мінулыя, шукаць апірышча ў душы. Каралеўскую карону носіць каваль. Вуграм перашкаджаюць вяртацца ў Саргасава мора. Вежавы гадзіннік хавае ў сабе механізм, пакінуты продкамі. Сама краіна выклікае дэпрэсію. Што нам рабіць? Нельга не існаваць у сваім часе. Толькі быць, прысутнічаць, але не жыць па-сапраўднаму. Я толькі пабуду і пайду да сябе… Нельга адкладаць сваё жыццё, калі не даспадобы рэчаіснасць. Нічога не выйдзе... А добрая Беларусь – яна толькі ў галовах. У сэрцах. У душах. Але яе няма на зямлі. Болей...

linkpost comment

Хільмановіч Уладзімір, Беларускі каляндар-даведнік | Камунікат.org [Apr. 6th, 2017|12:13 am]
book_by.Для тех кто читает

kamunikat
Беларускі каляндар-даведнік
на кожны дзень
Хільмановіч Уладзімір

«Беларускі каляндар-даведнік на кожны дзень» - публікацыя, якую чакалі даўно. Некалі ў Беларусі выходзілі адмысловыя календары, дзе да кожнага дня былі «прычэплены» даты, падзеі, здарэнні. Але тыя календары зазвычай распавядалі выключна пра «круглыя» даты. Ды і інфармацыі там былі выбарачныя. Тэма камуністычных рэпрэсіяў, эміграцыі, «невыгаднай» гісторыі проста прамоўчвалася. Уладзімір Хільмановіч ў сваім календары-даведніку пастараўся сабраць максімум падзей, звязаных з беларускім жыццём і гісторыя краіны. Тут даты нараджэння і смерці вядомых і малавядомых, часам наогул забытых, але вартых увагі людзей, дзеячоў беларускага руху. Ганебныя даты падпісання розных дакументаў, якія адыгралі знакавую ролю ў гісторыі. Кожны дзень года мае некалькі падзей, некалькі датаў, раскінутых па гадах. У календары-даведніку інфармацыя падаецца вельмі сціпла, можна сказаць, што нават скупа. Але гэта дае магчымасць хутка арыентавацца пра што і каго шукаць інфармацыю далей. Кніга падаецца нейкім пераходным звяном паміж звычайным календаром і энцыклапедыяй, у чым яе і адметнасць. (Н.Г.) Болей...

linkpost comment

Выйшла дзіцячая кніга «Гражына й грак» | Камунікат.org [Mar. 30th, 2017|02:50 pm]
book_by.Для тех кто читает

kamunikat
Яе аўтарам зьяўляецца беларуская пісьменьніца зь Беласточчыны Міра Лукша.У Беластоку выйшла кніга «Гражына й грак» беларускай пісьменьніцы й журналісткі Міры Лукшы. Кніга дзіцячая, але будзе таксама цікавай для дарослых чытачоў.Кнігу выдала беларускае літаратурнае абʼяднаньне «Белавежа», якое гуртуе беларускіх літаратараў Польшчы.Кніга «Гражына й грак» складаецца з апавяданьняў, кожнае зь якіх вучаць любіць прыроду й родную мову – гаворыць аўтарка Міра Лукша, вядомая беларуская дзяячка Беласточчыны й журналістка тыднёвіка «Ніва». Дарэчы, раней яна выдала дзьве дзіцячы кніжкі: «Дзяўчынка й хмарка» ды «Жывінкі з глыбінкі». З аўтаркай размаўляе Анна Пятроўская.У Беластоку выйшла кніга «Гражына й грак» бе... Болей...
linkpost comment

Квяткоўскі Севярын, Фрашкі да пляшкі | Камунікат.org [Mar. 30th, 2017|07:43 am]
book_by.Для тех кто читает

kamunikat
Фрашкі да пляшкі
Квяткоўскі Севярын

Зборнік “Фрашкі да пляшкі”—суплёт кароткіх гісторыяў жыцьця пра вядомых беларускіх палітыкаў, музыкантаў, літаратараў, мастакоў, журналістаў, а таксама паспалітых людзей: выкладчыкаў, міліцянтаў, рабочых, таксістаў, мытнікаў, памежнікаў, бізнэсоўцаў, эмігрантаў і дзяцей. Аўтар малюе карціну жыцьця беларусаў новай эпохі—эпохі Незалежнасьці. Сьмешныя па форме, фрашкі—анэкдоты жыцьця—закранаюць сур’ёзныя тэмы ўзаемадачыненьня творцы і ўлады, паўстаньня беларускай мовы як элітарнай, а не калхознай, зьяўленьня новай генэрацыі, для якой ідэя беларушчыны не лубок, а спосаб самаідэнтыфікацыі ў прасторы і часе. “Фрашкі да пляшкі” можна чытаць як ураздроб, гэтак адным цэлым тэкстам, які можна назваць эсэ, а можна—прыгодніцкім раманам. Болей...

linkpost comment

navigation
[ viewing | most recent entries ]
[ go | earlier ]